Предлози за дислокација на дел од спомениците

 Спомнав и на друга тема. Ајде да направиме анализа (ама квалитетна) и евентуална визуализација кој споменици и каде би требало да се дислоцираат.  Секако се работи за Спомениците кои се во централното градско подрачје на Град Скопје.   

Бидејки немам подготвено никаков материјал би почнал вака написмено со оние споменици кој според мене се најкритични. 

Цар Самоил дефинитивно прв би го преместил иако се работи за еден од најубавите споменици воопшто. 

А во комплет со Цар Самоил би го преместил и Јустиниан.

Размислував за локација на двата споменика и мислам дека најдобро би било или лево и десно од влезот во Археолошкиот музеј или на Кале. Втората опција е дискутабилна со оглед на етничката чуствителноста на локацијата. 

Потоа би го преместил и Карпош кој на место од десна страна на камен мост гледајќи кон Скопската Чаршија би го ставил од левата. Е сега тука хронолошки пред музејот на Македонската Борба за независност би ги надоврзал и сите останати споменици кои се расфрлани по плоштадот а се дел од Револуционерната Борба на Македонија.Тука пред се мислам на спомениците на Димитрија Чуповски, Димитрија Поп Беровски, Питу Гули, како и новите споменици на Христо Узунов, Васил Чакаларов и Борис Сарафов. Тука би го ставил и Никола Карев кој дефинитивно треба да се премести но мислам дека поради неговите димензии не би одговарало да стои до останатите споменици. Така што најпогодно место за овој споменик според мене би бил кружниот тек кај Католичка на место на Чепреганов. За Гоце Делчев и Даме Груев мислам дека е потребна подетална анализа. Со ваквата локација би се добила една логична целина со која би се надополнил музејот.

Секако за да се отвори простор би ја дислоцирал и плажата но би оставил вегетација и зеленило да ги надополнуват спомениците. 

Морам да признаам дека првата идеа ми беше да се направи парк на револуционерите на Кале поточно директно на рамнината карши Црквата Свети Спас и таму да се сместат сите овие споменици но мислам дека поради политичко етнички причини ваквата идеа е неостварлива иако на тоа место дефинитивно му треба средување *дали знае некој под чија надлежност (Чаир или Центар?) е овој дела на Калето??)

На местото на Јустиниан дефинитивно би ги ставил основачите на ВМРО. Споменикот е изработен со иста техника со оној на Гемиџиите и мислам дека одлично би комуницирале. 

Ченто би го ставил карши собрание на местото на основачите на ВМРО. А во зеленилото лево и десно од главниот влез би изградил Споменици од бел Мермер на Претседателите Борис Трајковски и Киро Глигоров (но ова е опционално и во моментов не е приоритетно)

На крај дефинитивно би ги Преместил Спомениците на Кирил и Методиј како и Оние на Свети Наум и Климент Охридски. За нив имам две локации едната е од левата и десната страна на Црквата во Изградба Свети Константин и Елена или пак во Паркот кој се формира кај Црквата Богородица. 

Ете така јас набрзина склопив некој идеи со кои мислам дека ќе се растерети самиот плоштад и ќе се добие една логична целина на спомениците  во Скопје. Би ми било мило да слушнам и ваши предлози. 

Originally posted by alexgizh Сеуште го немам овој пост дочитано, но само сакам да укажам дека Чепреганов е жив и здрав, а си сакал да напишеш Чакаларов

Благодарам за исправката го поправив текстот а го додадов и Борис Сарафов.

Со која алатка (програма) ги правиш мапите????

Што мислиш за локација горе на Калето за Цар Самоил и Јустиниан?

И второ за дислокација на Светителите Кирил и Методиј и Наум и Климент некако како да не припаѓат на новиот плоштад и како испадени ми делуваат. 

И трето вчера се согласивме дека добро би било да се направи некој парк на револуционерите, Дали имаш некој предлог? Мене прво што ми паѓа е паркот шума Гази Баба. Останувам на мислењето дека тој парк мора да заживее. Па ако треба нека и го оградат тој парк за луѓето да можат да се чуствуваат безбедно. 

Ако има интерес тука би можеле да направиме некаков концепт за таков парк и да го доставиме до општина Гази Баба.