Парк Бановина - Населба Лисиче

Фото: Новиот парк во Горно Лисиче – рај за очи

Жителите на Горно Лисиче добија ново, урбано зелено катче за одмор и рекреација, а Аеродром уште еднаш покажа дека е најзелена општина, пишува Курир.



Новиот зелен парк денеска свечено го пуштија градоначалникот на општината Ивица Коневски и претседателот на Република Македонија Ѓорѓе Иванов.

-Граѓаните ќе имаат места каде да се релаксираат, а децата за забава. Ова е за пофалба и покажува дека тоа што го бараат граѓаните се реализира, изјави Иванов.



Според градоначалникот Коневски, изградбата на паркот е со цел жителите на руралниот дел да ги добијат неопходните услови што ги има и во урбаниот дел.

- И понатаму ќе продолжиме со целосна урбанизација на руралниот дел, рече градоначалникот Конески.

Хортикултурно и партерно е уреден дел од местото познато како Бановина, каде е изграден и новиот парк со вкупна површина од околу 6.500 метри квадратни.



Паркот содржи зелена површина од околу 3.000 квадратни метри, која е уредена со висока и ниска вегетација и езеро на две нивоа со пешачки мост, а над езерото е поставен видиковец.

Детско игралиште, лулашки, езеро, уште еден видиковец, лизгалки и вртелешка се исто така составен дел од модерниот зелен парк во Горно Лисиче.



Општина Аеродром за изградбата на паркот од својот буџет издвои 35 милиони денари.

http://denesen.mk/web/2013/09/12/foto-noviot-park-vo-gorno-lisice-raj-za-oci/

Нека се множат!

Moze nekoj da mi go objasni imeto na parkot?

Originally posted by Denko Moze nekoj da mi go objasni imeto na parkot?

Мислам дека е тешко да најдеш некој кој би можел да го објасни освен некој постар човек (над 60тина години) или пак некој градски архив, но бидејќи живеам на километар или километар и половина одтаму само знам дека таа локација целиот мој живот ја знам како Бановина ,во основно имав другари кој живееја таму и кога ќе ги прашаше некој каде живеат тие одговараа Бановина. Сигурно има некоја причина зашто токму Бановина ,но мене лично не ми е познато.

Колку што јас знам не.

Инаку имав шанса да го посетам парков доцна навечер пред неколку дена и на мое изненадување во парков имаше чувар ,а на уште поголемо изненадување во 00:50 пристигнуваат една-две единици на МВР и заедно со чуварот ги замолуваат сите посетители да го напуштат паркот , јас прашав зашто и дали има некаков проблем и одговорот што го добив е дека паркот работи до 01 часот.

Паркот изгледа феноменално и многу ми се допаѓа ,штета како што кажав претходно што е толку мал а има толку голем простор да се уредува околу него.
Неможев да направам слики бидејќи го заборавив телефонот ,но во наредна прилика ќе направам слики.

Thanks...