Скопски сообраќај (општо)

Козара трипати се асфалтираше и пак се „исече“ за приклучоци на новите згради



Шест месеци се реконструира улицата Елисие Поповски и уште е „при крај“, а Козара која едвај доби нов асфалт пред две години, почна да се прекопува за да се поврзат новите згради со парно.

При крајот на минатото лето почна реконструкцијата на улицата Елисие Поповски во Капиштец, која граѓаните ја очекуваа подолго време затоа што беше во многу лоша состојба. Сега, на средина од зимата, жителите веќе се нервозни што работите сѐ уште не се докрај завршени. Како што велат, останаа уште тротоарите.

Асфалтираа уште пред Нова година, ама тротоарите ги оставија, па пеш може да се оди само по улица, затоа што од едната страна на голем дел нема тротоари и се паркираат коли. Донесоа и материјали, бекатон плочки се наредени во должина на улицата, само уште да се решат да ги наместат. Не ми е јасно зошто толку бавно одат работите. Цел месец не видовме работници, па вчера повторно се појавија и почнаа нешто да редат. Можеби се ближи крајот конечно – реагира Александар, жител на населбата.



Од Општина Центар тврдат дека реконструкцијата е при крај.

Реконструкцијата на улицата треба да заврши за една недела. Причина за пролонгирањето е проблемот со паркираните возила, кои го попречуваат и го отежнуваат финиширањето на градежните активности – објаснуваат од Општината.

Потегот што се реконструира е долг 700 метри и се протега од Клиничкиот центар до Заводот за рехабилитација. На оваа улица во минатото имаше изградба на повеќе објекти, па асфалтот беше многу оштетен и улицата полна со прекопи и дупки.

Една улица под Елисие Поповски е „популарната“ Козара, позната по градежната офанзива што се случуваше на неа во изминатите десетина година, во која од некогашните двокатни куќи израснаа згради на 7-8 ката. Поради постојаната изградба и градежна механизација што поминуваше по неа, улицата беше во ужасна состојба.



Поранешниот градоначалник Саша Богдановиќ на барање на граѓаните реши да ја реконструира, а обновата пак се спроведе пред две години во мандатот на актуелниот градоначалник Горан Герасимовски.

И кога беше најавена реконструкцијата и денес, остана нејасно зошто воопшто се планираше и се спроведе обнова во услови кога истовремено беа во изградба, а неколку згради сѐ уште се градат. Јасно беше дека по нивното завршување, на новиот асфалт ќе се прават прекопи за зградите да се поврзат со системите за вода, струја, парно.

Во врска со реконструкцијата и приклучоците за инсталациите, на улицата ќе бидат оставени отвори (т.н. изводи), на кои подоцна би се приклучиле водоводните, топлински, електрични и кабелски мрежи. Со изводите, нема да има потреба од повторно прекопување на улицата – тврдеа од Центар пред четири години најавувајќи ја реконструкцијата.

Според она што деновиве може да се види на Козара, очигледно не се спровела оваа идеја, затоа што новиот асфалт поставен пред две години е исечен и на улицата има огромна дупка за зградите да се поврзат со топлификацискиот систем. Прекопот што сега е направен, ќе се затрупа и делот ќе се асфалтира, но до некое идно реконструирање на улицата ќе остане како „белег“. Веројатно еден од низата други кои ќе следуваат за идните поврзувања на новите згради.

Инаку, оваа улица беше конечно завршена после две неуспешни претходни асфалтирања. Работите ги вршеше фирмата „Гама градба“, која при првото асфалтирање ги затрупа сливниците и шахтите, па ги откопуваше откако жителите жестоко реагираа, потоа постави асфалт под нивото на шахтите, а по второто асфалтирање по првиот обилен дожд се појавија оштетувања на улицата. Третиот пат беше конечно успешен. За целото тоа време граѓаните се жалеа и реагираа, трпејќи ја со месеци бучавата и смрдеата на улицата.

И сега среде улицата има нова дупка, која го отежнува сообраќајот и им пречи на жителите од една од зградите да влезат во гаража.

https://www.slobodenpecat.mk/kozara-tripati-se-asfaltirashe-i-pak-se-iseche-za-prikluchoci-na-novite-zgradi/

Кандахар не е рамен на Скопјево права џамахирија сме!

Граѓаните се жалат на големи дупки на скопските улици и булевари



Ова е сликата на дел од главните и споредни улици низ македонската метропола.

Голем дел од граѓаните реагираат за како што велат, лошата состојба во која се наоѓаат улиците. Велат, поради таквата слика, честопати ги оштетуваат своите автомобили.

Улицата 808, која пак се реновираше пред две години, е посебен предизвик за луѓето кои циркулираат во овој дел на Автокоманда, каде има повеќе приватни фирми и претрпијатија.

Цели кратери откорнат асфалт, и шахти високи неколку сантиметри, поради кои мора внимателно да се движите. Од тешки товарни возила, до автомобили – сите делат иста мака.

Неколку стотина метри по оваа улица, на местото каде што има знаци поради реновирање, поставена е гума – за предупредување дека тука има отворена шахта.

Ништо подобра не е сликата на булеварот Александар Македонски, каде секојдневно сообраќаат илјадници возила.

Вака изгледа дел од булеварот Александар Македонски во Автокоманда. Крпениците на повеќе места и одронатиот асфалт претставуваат опасност за сите учесници во сообраќајот.

Иако се обидуваат, луѓето тешко можат да ги избегнат нерамнините на асфалтот по овој булевар на влезот на Скопје.

Надлежноста за одржување на дел од булеварите и улиците ја има ЈП „Улици и патишта“ во соработка со Град Скопје. Иако испративме прашања зошто во ваква состојба се улиците, до ова информативно издание не добивме одговор.

https://kanal5.com.mk/gragjanite-se-zhalat-na-golemi-dupki-na-skopskite-ulici-i-bulevari/a684668

Ама сепак судијата е крив. Нјалесно е да се окриви некој друг, од тоа и си патиме 35 години. Ретко некој да собере храброст да си ја признае сопствената вина и да понесе одговорност и да се промени.

Лошо е ако некој вози напиен, ама ЈАС после 3 чаши ракија немам гајле, другите шо имат нека не влегват в кола оти се опасни...

По улицата кај МКЦ се вози по крпенки, дупки и испакнати „коцки“, надлежните „заборавиле“ да ја подноват











Малку коцка, малку асфалт, па и тој во сите бои поради пополнувањата на дупките по коловозот низ годините. Вака некако изгледа улицата Кеј Димитар Влахов покрај реката Вардар, која е една од ретките и најстарите улици во Скопје, каде сѐ уште има делови од калдрма, поставена пред повеќе од половина век.

Улицата, попозната како „коцката“ започнува од исклучокот од булеварот Крсте Мисирков и води покрај Македонската академија за науките и уметностите и Младинскиот културен центар, а потоа продолжува зад објектот каде се врши сликањето за лични документи и останати услуги на МВР. Локацијата среде центарот на градот, но и локацијата на овие институции ја прави улицата Кеј Димитар Влахов навистина фреквентна, по која дневно минуваат стотици автомобили и товарни возила.

Распространета во должина од 800-тина метри, улицата започнува со асфалтен пат, а возејќи кон МВР и бензиската на „Макпетрол“, дел од патот долг неколку стотина метри е обложен со калдрма, а потоа повторно продолжува асфалтот до нејзиниот крај.

Екипата на „Слободен печат“ на терен забележа дека активното сообраќање по оваа улица предизвикало оваа коцкеста подлога за попушти, со што некои делови од неа се повеќе испакнати од останатите, правејќи ја вистински предизвик за автомобилските амортизери и гуми.

Асфалтираниот дел од улицата, пак, очигледно подлегнал на бројни генерациски „крпења“ од страна на надлежните претпријатија, бидејќи долж целата улица можат да се забележат некои понови, но и постари додадени слоеви асфалт што се разликуваат од оригиналната подлога.

– Секоја стара дупка е пополнувана со нов асфалт, кој со текот на времето и поради неговиот квалитет попуштил со што се направила нова нерамнина што повторно морала да биде пополнета со нов слој асфалт. Тоа е „магичен круг“, дефинитивно треба целосно да биде обновена оваа улица – вели минувач кој работи во една од околните институции и секојдневно се движи по оваа улица.

Веќе неколку години Димитар Влахов е дел од мрежата на зонско паркирање на „Градски паркинг“, но зонското не ја опфаќа целата улица, затоа што од „пасошкото“ на МВР до бензиската пумпа ги нема препознатливите табли кои потсетуваат дека за паркирање треба да се плати.

Поради тоа, наидовме на десетици возила паркирани долж пешачката патека, меѓу кои се најде и еден товарен камион, а некои од возилата беа паркирани и среде улица или поткачени на тротоарот. Овој тип на паркирање среде пешачка патека го отежнува движењето на пешаците, со што се принудени да ги заобиколуваат паркираните возила на пешачката патека и да пешачат по коловозот.

Испративме прашања до ЈП „Улици и патишта“ и до Град Скопје како надлежни за оваа улица, дали постои план за целосна реставрација на Димитар Влахов и за отстранување на делот со калдрма. Побаравме одговор и зошто не се поставени столпчиња на тротоарот зад МВР, кои ќе ги оневозможат луѓето кои си ги паркираат своите автомобили среде пешачката патека да го узурпираат движењето на пешаците, но за жал, одговор не добивме.

Земајќи предвид дека поголемиот дел главните улици и булевари во Скопје денес се целосно обновени, асфалтирани, донекаде исполнувајќи ги европските стандарди, прашање е до кога граѓаните ќе го чекаат Град Скопје целосно да ја реконструира и улицата Кеј Димитар Влахов, сместена во срцето на градот, наместо постојано да ги пополнува дупките од асфалтот, решение кое за жал има привремен ефект без траен резултат.

https://www.slobodenpecat.mk/po-ulicata-kaj-mkc-se-vozi-po-krpenki-dupki-i-ispaknati-kocki-nadlezhnite-zaboravile-da-ja-podnovat/

По реакциите на граѓаните, од Аеродром тврдат дека улицата во Мичурин ќе се обнови



Откако „Слободен печат“ објави дека граѓани алармират дека улицата Симеон Кавракиров е небезбедна затоа што на неа нема никаква хоризонтална ниту вертикална сигнализација, од Општината велат дека работат на проект за целосна реконструкција на улицата.

Општина Аеродром планира да ја обнови улицата Симеон Кавракиров во населбата Мичурин. Така велат оттаму откако „Слободен печат“ објави дека граѓани од населбата алармират дека улицата е небезбедна, особено за пешаците затоа што на неа со години речиси да нема никаква хоризонтална ниту вертикална сигнализација.

Се работи на проект, кој ќе биде аплициран до Владата на одобрување и веднаш по добиено одобрување ќе се пристапи кон комплетна реконструкција на улицата Симеон Кавракиров, велат од Аеродром без да прецизираат кога очекуваат тоа да се случи.

Загрижени жители од Мичурин укажуваат дека на улицата Симеон Кавракиров има само два пешачки премини, едниот лоциран кај семафорите близу кафаната „Рулет“ и другиот во близина на основното училиште „Блаже Конески“. Поради нивната оддалеченост, како што тврдат, повеќето граѓани улицата ја минуваат непрописно, каде што ќе стигнат и со претрчување, со што се загрозува нивната безбедност.

Тие посочуваат дека на двете раскрсници на улицата во минатото имало пешачки премини, но тие не се обновени со децении, а нема ни вертикална сигнализација за пешачки премин и пропишана брзина на движење.

Друг проблем со кој се соочуваат жителите, кои велат дека оваа улица „плаче“ за реконструкција, е непрописното паркирање по тротоарите, поради што пешаците, сакале или не, мора да се движат по улица. Се жалат дека на улицата е слабо и уличното осветлување.

Решение на сите овие проблеми би била реконструкција на улицата за што од Општината тврдат дека веќе се работи проект.

https://www.slobodenpecat.mk/po-reakciite-na-gragjanite-od-aerodrom-tvrdat-deka-ulicata-vo-michurin-kje-se-obnovi/

Очекував влезот за новите згради во Треска да биде од Рузвелтова па преку Владимир Полежиновски. Вака малце чудно, освен ако не пробиваат друг влез од Рузвелтова.