Битола 2016

„Битола 2016“ како помал брат на „Скопје 2014“

Во Битола во наредните четири години ќе се градат нови 28 спомен-обележја

Битола - Проектот „Скопје 2014“ добива помал брат, „Битола 2016“. Во градот под Пелистер во наредните четири години ќе се градат нови 28 споменични обележја. Од нив 14 ќе бидат бисти, седум споменици и исто толку спомен- плочи. Локалната власт очекува помош од државата за реализација на овој проект. И опозицијата, за чудо, ја поддржува програмата. Засега е сигурно дека финансиска конструкција за овој проект се' уште нема.

Програмата на битолскиот Совет дека за само четири години во градот ќе никнат нови триесетина спомен-обележја ја разбранува јавноста, особено што за изградбата и поставувањето на само еден споменик посветен на античкиот крал Филип Втори граѓаните чекаа со години. Сега споменици треба да добијат Даме Груев, царот Гаврило Радомир, Ѓорги Сугарев, Александар Турунџев, Димитар Илиевски-Мурато, главниот штаб на Илинденското востание, а се планира и реставрација на гробот и надгробната плоча на Павел Шатев. Во програмата за одбележување значајни настани и истакнати личности со спомен-обележја е предвидена и изградба на спомен-биста на Захарија Василева-Шумјанска, хуманистка од битолскиот крај, која по Илинденското востание го отворила и првото сиропиталиште на овие простори.

„Во моментов не можам да кажам точно колкава е потребната сума и дали ќе се реализираат сите овие спомен-обележја, но се надеваме дека и државата ќе даде пари. Со тоа ќе го заокружиме овој проект“, потврдува Диме Попов, претседател на комисијата за финансии и буџет во Советот на Битола. Притоа тој додава дека Општината е должна да изгради споменици за некои знаменити луѓе.

Програмата предвидува и изработка на 14 бисти за што доби зелено светло и од Општинската организација на Сојузот на борци од Битола.

„За сите споменици што се предлагаат, за Пере Тошев, за Ѓорѓи Поп Христов, Илија Димески- Гоце... ние даваме целосна поддршка, бидејќи тие се дејци заслужни за оваа држава“, вели Александар Трајковски, претседател на СБМ во Битола.

За изненадување, битолската опозиција ја поддржува програмата за поставување нови 28 споменични обележја во градот. Но, сепак, изразува спомнеж дека градот со пари од општинската каса ќе успее да ги изгради сите споменици до 2016 година. Бидејќи, наместо црква како што се најавуваше за свет Нектариј Битолски сега се предвидува само спомен-плоча. Истото важи и за великомаченик Агатангел Битолски, за Леринско-костурската бригада, турскиот затвор во ОУ „Ѓорги Сугарев“ и куќата на Анастас Лозанчев. Спомен- обележја треба да добијат и борбите на битолско-леринскиот одред и леринско-костурската бригада на локација кај бензинската пумпа на магистралниот пат кој води кон Грција.

„Ние ја поддржавме програмата оти мислиме дека нема спорни ликови од историјата. Меѓутоа, сметаме дека нема пари во буџетот за овие споменици. Ова е само на хартија, до реализација сигурно нема да дојде“, вели Валентин Груевски, советник на ЛДП.

„Иста ваква програма имаше и порано, но мислам дека нема средства ова да се направи“, смета и Менде Тасевски, советник од СДСМ.

Сомнежите дека проектот нема да успее опозицијата ги поткрепува и со фактот што во буџетот на општината за оваа година не се предвидени средства за изградба на спомен-обележја. Од власта велат дека ставката можеби ќе биде пополнета со некој од ребалансите на општинската каса, секако доколку тоа се случи. (А.Б.)

Статијата е прочитана 2956 пати. http://www.utrinski.com.mk/default.asp?ItemID=163ACFC94731494D9EB56C247A510BA4

значи повторно, не знам зошто вака се јуриша да се направат споменици на број, а не на квалитет и културно значење... Битола како прво, како град и онака има разни знаменитости, тука барем не можат да се вадат како во Скопје, дека „немало доволно“...
значи споменици се, не се печурки... полека

барем ми е мило што малку повеќе се размислува за буџетот

Прво нека ја средат спортската сала и стадионот па после нека градат вакви луксузи.

http://www.europlan-online.de/stadion-pod-tumbe-kafe/verein/2192
http://www.plusinfo.mk/vest/31117/Oshteten-pokrivot-na-sportskata-sala-Mladost-vo-Bitola
http://www.youtube.com/watch?v=ESih179JlcU

На шо личи ова? КАТАСТРОФА!!!

што бидна со споменициве, може сега и по некој музеј влегол у шема

патем ко за иронија веб страната на битолскиот музеј е во аут а не па потака http://www.bitolamuseum.org/cgi-sys/suspendedpage.cgi

мое мислење - нека кренат аеродром в Пелагонија [1] таман сега имаат увид и кои се критични точки да ги избегнуваат заради поплавиве, а потем самите иселеници ќе си реинвестираат каменот во скулптури и паркови

скоро чув некаде по телевизииве дека првиот клавир во османлиското царство завршил во Битола, колку е ова вистина незнам но со оглед дека битолци опнале еден сред кружен тек ова ми држи вода, што погласен чалам од ова за тоа

Кон крајот на распадот на Отоманската империја, преку Битола како централен град на Румелија, од второвината половина на 19ти век, Отоманците имале за цел да ја претстават нивната држава како европска. За таа цел се креирани конзулатите од најмоќните држави во тоа време. Па така, архитектурата својствена за европа во тоа време (главно неокласична и арт деко, во мала мера и нео барок) била пресликана и во Битола. И ден денес си постои француска четврт, еврејски маало, влашко маало. Зборот ми е, архитектурата воБитола не е само отоманска или ориентална. За жал доста објекти во Битола ден денес не постојат поради бомбардирањето со запалливи бомби во прва светска војна.
А, што се однесува до денес, освен споменикот на Филипче и бранителите (кој е патем пристоен) нема некакво унаказување како во СК.
За клавирот и таквите споменици (украси) по кружните текови немам некоја негативна забелешка. Патем Битола и ден денес има голема збирка на стари клавири.
Во новиот филм До Балчак, иако не е спомнат во кој град се работи дејството, претставува директен репрезент за начинот на живот во златните времиња на Битола (~1900), каде постепено се чувствува европеизацијата на Балканот.

Edited by stratus - 16-Mar-2015 at 18:38

Се работи за два различни кружни тека. На едниот (влезот од кај Охрид) има филџан за кафе кој е поставен пред една година. Додека, другиот се наоѓа кај горното Веро и е со клавир на средината, поставен од неодамна.