Aarhus, Орхус, Данска

Овој патепис е дел од тура што ја направив низ Гетеборг, Малме, Копенхаген, Орхус и Олборг. Ќе гледам да не ги трупам темите со слики за да нема се и сешто.

Орхус е втор град по големина во Данска со околу 300.000 жители. Бил оформен во 8ми век од страна на Викинзите кои долго време позицијата на Орхус ја користеле за поморска трговија.

Денес е културен, економски и стопански центар, претставува седиште на некои од најголемите дански компании, но пред се е голем истражувачки и образовен центар за нордиските држави. Тука се наоѓа најголемиот универзитет во Скандинавија со околу 40.000 студенти, а исто така значајни се универзитетската болница и INCUBA научниот парк.

Орхус е исто така познат и по својата музичка историја, има голем број на музички клубови и фестивали, па така ни јас не пропуштив прилика покрај прошетка и плажа, да присуствувам и на некој концерт Подолу фотки од концертот, за оние што се љубители на таква музика ќе ги препознаат, другите веројатно ќе се wtf.