Скопје 2014

Мислев дека ние сме најмрднати на Балканов со проектот Скопје 2014, но Романците нè преминаа со проектот за црква „Спас на романскиот народ“, вреден 400 милиони евра. Жолтото на сликата (покривите) ќе биде од злато. Се надевам дека премиерот наш не го чита Build.mk и нема да добие нова идеја после ова

Originally posted by Џоле Мислев дека ние сме најмрднати на Балканов со проектот Скопје 2014, но Романците нè преминаа со проектот за црква „Спас на романскиот народ“, вреден 400 милиони евра. Жолтото на сликата (покривите) ќе биде од злато. Се надевам дека премиерот наш не го чита Build.mk и нема да добие нова идеја после ова

 
Романците си го имаа својот Николае Чаушеску, кој имаше свој бел слон - зградата на романскиот Парламент, чија што изградба започна во 1984 година, а заврши во 1997 година, откако проголта доволно финансиски средства - околу 3 милијарди евра во денешни пари - за да го заслужи статусот најскап цивилен и административен објект во светот.
 
Ние Македонците, од друга страна, си го имаме премиерот (Груевски) Никола, чиј што омилен архитект се презива Чаушевски (Жарко). Заедно, ова дуо има создадено бел слон наречен проект Скопје 2014, а подоцна преименуван во проект Македонија 2017, кој и понатаму се полни, и се полни, и се полни... проголтувајќи стотици милиони евра народни пари, но доколку продолжи со ваквото темпо, можно е до 2017 година да проголта и над 1 милијарда евра народни пари.
 
Но надежта последна умира, со вистински луѓе - читај будали кои би гласале за оваа влада на сите наредни парламентарни избори - можеме да го наполниме белиот слон наречен проект Скопје 2014, односно проект Македонија 2017, со толку пари, што и самиот Чаушеску би позеленел од завист кога би бил жив.


Edited by Dexter26 - 10-Aug-2015 at 03:14

 
Ќе се согласев со тебе Макс, ако беше ставен крај на ваквата фуш-продукција, но не е ставен крај.
 
Затоа реков дека има надеж да стигнеме и до тие 3 милијарди евра за еден објект, или ајде нека бидат 400 милиони евра за еден објект.
 
Кога ќе заврши ваквиот идиотизам и под услов да чини помалку од 400 милиони евра по објект, тогаш ќе можеме да кажеме дека не држи вода ваквата споредба, но до тогаш, сите карти остануваат отворени на масата, за жал.


Edited by Dexter26 - 10-Aug-2015 at 13:45

Ова станува веке траорно.

Originally posted by Teglarot Ќе им се отвори работа по штабовите

Ако бе нека се потрудат малце. Малку и ние нив да ги троламе... плус тоа да прочитаме малку поголем избор на глупости и тупости, пошто веќе се излитеа старите
Но за жал нема техничка можност да се реализира идејата на phenomenon.

Originally posted by Navigator И ако може да гласаат само членови на форумот кои имаат минимум 5 анти-ск14 постови и кои барем еднаш ги употребиле зборовите "чауш" и "чаушеску" во различен контекст.

Не сте во тек со светските трендови!


http://web-browsers.softwareinsider.com/compare/3-4/Chrome-vs-Internet-Explorer



...............................................................................................................................................................................................................



Edited by phenomenon - 11-Aug-2015 at 09:31

Поразителна е само помислата кога по 20 години ќе се прошетате низ централното градско подрачје на Скопје и ќе погледнете кон објектите околу вас на идентичен начин како што го правите тоа во Виена, Белград, Париз, Мексико Сити или Сиднеј.

Скопје ќе постане град на еден абнормален архитект - македонскиот премиер со својата свита од четири - пет неписмени „автори“ кои ги префабрикуваат истите те исти зданија во центарот на Скопје. И кога ќерка ви или некој странец до вас ќе ве запраша за зградата што ја гледа пред вас - кога е направена, кој е авторот на делото и како е вашиот став кон неа, е тогаш ќе разберете дека целокупното национално богатство во архитектурата - историјата на еден град е уништена во лудилото, тоталитаризмот и лакомоста на еден човек.

А за оние бранители на проектот „Скопје 2014“, како Станкоски, Симјановски и Божиновски, и за нивната конзистентност во интелектуалниот развој, доволно е да ги прочитате нивните колумни во неделникот „Денес“ и други печатени медиуми, да речеме од 2005 година.

 
Не, со 30-40 нови таканаречени неокласицистички објекти, не се брише целосната архитектонска историја на Скопје, туку се унаказува, а унаказување е бетер од бришење.
 
Знаеш која е разликата во архитектонската историја на Скопје и Виена ?
 
Скопје последен пат беше разурнат во 1963 година, а како град добро стоеше на здрави нозе и пред и после 2008 година кога за прв пат се појави неславната видео анимација на Интернет наречена проект Скопје 2014.
 
Немаше потреба од ваквото унаказување на централното градско подрачје, поради што се создава амбиент кој ниту е оригинален, ниту е веродостоен за својата местоположба, а единствената магија е магијата на организираниот криминал и на лудилото на еден човек кој очигледно боледува од тешки комплекси кои ги манифестира преку неговото "разубавување на просторот".


Edited by Dexter26 - 15-Aug-2015 at 16:06

Originally posted by Dexter26  Не, со 30-40 нови таканаречени неокласицистички објекти, не се брише целосната архитектонска историја на Скопје, туку се унаказува, а унаказување е бетер од бришење.  Знаеш која е разликата во архитектонската историја на Скопје и Виена ?  Скопје последен пат беше разурнат во 1963 година, а како град добро стоеше на здрави нозе и пред и после 2008 година кога за прв пат се појави неславната видео анимација на Интернет наречена проект Скопје 2014.  Немаше потреба од ваквото унаказување на централното градско подрачје, поради што се создава амбиент кој ниту е оригинален, ниту е веродостоен за својата местоположба, а единствената магија е магијата на организираниот криминал и на лудилото на еден човек кој очигледно боледува од тешки комплекси кои ги манифестира преку неговото "разубавување на просторот". Скопје беша касаба, кога ми доаќаа пријатели им ги покажував Камени мост, Чаршијата и Кинескиот плоштад. Прашање е, и за дискусија е, дали требало се што се изгради да биде во неокласичен стил, има различни мислења. Тешките зборови како лудило ... не се аргумент, туку квалификација, за мене дискутабилен е бројот на споменици, тркалото и галиите. Се останато е прашчање на вкус и определба кон одредени стилови, но дека требаше надоградба и римејк на центарот на Скопје е неоспорен факт.

Скопје никогаш не било касаба, освен по реализацијата на проекти што ќе му прднат на нашиот премиер низ целиот центар на градот.

Македонскиот главен град ја има една од најбогатите збирки на уметнички дела од модерната уметност во Музејот на современа уметност. Една внимателна прошетка низ делата на познати автори кои ги донирале своите творби за Скопје е доволно атрактивна за кој било турист на Скопје по прошетката низ Скопското кале.

Скопје е единствениот град што има Музеј на старата чаршија, кој благодарејќи на ступидната политика на Град Скопје не е одвоен од Музејот на град Скопје и не му е даден поатрактивен простор во чаршијата.

Скопје ја има постојаната поставка за скопскиот земјотрес во Музејот на град Скопје, од која се издигна светска солидарност меѓу земјите поделени во биполарниот свет како ретко кога во 60-те години од минатиот век. И ова е вистинска историска атракција.

И да не го шириме муабетот натаму, Скопје има можности да се шета надвор од „Скопје 2014“ со денови и денови, доколку навистина се сака да се види суштината а не формата. Впрочем, од нашата незаинтересираност за уметноста и околните историски споменици си патиме. „Скопје 2014“ издигна од будалаштината дека градот нема што да им понуди на домашните и на странските гости. Епа сега, можеме слободно да уживаме во покажувањето на објекти со налудничава форма и без никаква суштина во себе... освен омраза, длабока омраза кон сето она што е изградено по скопскиот земјотрес.

А историјата не учи дека креацијата на дела базирани на омраза не довеле до ништо добро. За да се твори, потребна е љубов кон градот, нешто што ни недостига.