Скопска чаршија

ПОРТАТА ВО СТАРАТА СКОПСКА ЧАРШИЈА Е ДИВОГРАДБА И ТРЕБА ВЕДНАШ ДА СЕ УРНЕ, А ГРАДОНАЧАЛНИКОТ ГАНИУ КРИВИЧНО ДА ОДГОВАРА, ВЕЛАТ ОД КОНЗЕРВАТОРСКИ ЦЕНТАР



Поврзувачката порта меѓу Бит Пазар и Старата Чаршија во Скопје е дивоградба и треба веднаш да се урне бидејќи се наоѓа во зона со прв степен од заштита, велат од Конзерваторскиот центар Скопје. Откако на 26 февруари градоначалникот на Општина Чаир Висар ја помовираше портата од челик и стакло, стручен тим од Конзерваторски центар извршил увид на локацијата и констатирано е дека станува збор за бесправна градба, која никако не може да биде легализирана и за која треба да се преземат сите законски мерки за итно отстранување и кривично санкционирање на одговорните лица за бесправно градење.

Според Геодетскиот елаборат, поголемиот дел од градбата во должина од околу 9,50 (9,15) метри се наоѓа во границите на Споменичката целина – Стара скопска чаршија, а помалиот дел од градбата во должина од околу 6,90 (5,90) метри се наоѓа во границите на Контактната зона „Дуќанџик“.

„За делот кој се наоѓа во границите на Споменичката целина – Стара скопска чаршија се применува режим на заштита од прв степен, кој подразбира забрана за поставување градби на јавни простори и за нарушување на чаршискиот амбиент и интегритетот на заштитената целина. Важечкиот Детален урбанистички план (ДУП) ‘Стара чаршија’, Општина Центар, Скопје, донесен во 1999 година со Одлука на Советот на Општина Центар (бр. 07-600 од 29.09.1999 година), не предвидува никаква градба на предметната локација. За делот кој се наоѓа во границите на Контактната зона ‘Дуќанџик’ се применува режим на заштита од трет степен, кој исто така подразбира забрана за поставување градби на јавни простори и за нарушување на интегритетот на заштитената целина.Според важечкиот ДУП ‘Мавровка’, Општина Чаир, Скопје, донесен во 2006 година со Одлука на Советот на Општина Чаир (бр.07-938/4 од 23.08.2006 год.), предметната локација е дел од јавна површина – сквер и не се предвидени никакви градби“, се вели во извештајот на Конзерватроскиот центар Скопје.

Од Конзерваторски велат дека направената анализа на прописите релевантни за урбана опрема, покажува дека станува збор за градба, а не за настрешница поставена како урбана опрема.

„Во урбаната опрема, според Законот за градење, генерално спаѓаат и настрешници кои се поставуваат на јавна површина. За да имаат статус на урбана опрема, треба да исполнат одредени услови определени со Одлуката за утврдување на стандарди за поставување на времени објекти и урбана опрема на подрачјето на градот Скопје. Според Одлуката, настрешница е монтажно-демонтажна направа за заштита од сонце и атмосферски влијанија, со два или повеќе носачи и подвижен покрив од меки материјали (гумирано платно и слично) која е слободностоечка и не смее да биде прицврстена на јавната површина. Од изгледот, конструкцијата, употребените материјали и начинот на изведба, јасно е дека ‘Поврзувачката Порта меѓу Бит Пазар и Старата Чаршија’ не може да биде урбана опрема“, додаваат од Конзерваторски центар Скопје.

Од таму велат дека Општина Чаир треба веднаш да ја отстрани бесправната градба и да ја врати првобитната состојба на јавниот простор, а надлежните органи да спроведат постапки за утврдување и санкционирање на кривична одговорност на извршителите за бесправно градење и оштетување на културно наследство.

Од Општина Чаир при отварање на поврзувачката порта ни рекоа дека не им е потребна никаква дозвола од Конзерваторски центар бидејќи станува збор за урбана опрема и се наоѓа во просторот кој го регулира Деталниот урбанистички план „Мавровка“, а не заштитена зона.

Градоначалникот на Општина Чаир Висар Ганиу на отварањето на портата кажа дека оваа инвестиција го „збогатува урбаниот карактер на Чаршијата, зачувувајќи го духот на живиот и динамичен пазар“.

„Овој современ конструкциски објект, изработен од челик и стакло, претставува функционален и естетски влез, кој создава природна врска меѓу двата најзначајни трговски простори во градот. Покрај заштитата од атмосферските влијанија, оваа инвестиција го збогатува урбаниот карактер на Чаршијата, зачувувајќи го духот на живиот и динамичен пазар. Како симбол на спојот меѓу традицијата и модерното оваа поврзувачка порта ја подобрува инфраструктурата и искуството на граѓаните и посетителите“, рече Ганиу на 26 февруари.

https://sdk.mk/index.php/dopisna-mrezha/portata-vo-starata-skopska-charshija-e-divogradba-i-treba-vednash-da-se-urne-a-gradonachalnikot-ganiu-krivichno-da-odgovara-velat-od-konzervatorski-tsentar/

Today, in the heart of the Old Bazaar, we promoted a project of special importance for Skopje's urban and cultural identity - The connecting gate between Bit Bazaar and the Old Bazaar.
This contemporary construction, made of steel and glass, is not just a physical entrance, but a symbol of the cultural and commercial transition of this historic area. Its lightweight and transparent structure creates a harmonious dialogue between tradition and modernity, preserving the spirit of a vibrant and dynamic shopping mall.





https://www.facebook.com/visar.ganiu.7

Еден ретко виден агол на чаршијата:

Skopje, North Macedonia by Jason Risley, on Flickr

Originally posted by Џоле Нов објект

Задниот дел на ова зградиче:



Празниот простор што се гледа е местото на и зад урнатиот хотел Шар Ан.

Fala za fotografijata   

Po mediumi samo nekoi random sliki od charshija imat ili od dupkata sho e sega, ne mozhev da najdam prethodna sostojba. Postoi nekoe podlaboko info za objektov?

Уште еден нов објект, доста габаритен:



Локација (пред влезот за Куршумли ан/Музеј на Македонија):

Нов објект

Обновен Безистен во скопската чаршија:

















https://www.facebook.com/skopjemeleem

За Старата скопска чаршија надлежни се само оние кои уриваат и градат на диво

На две локации зјаат огромни градилишта, а инвеститорите се невидливи за оние кои треба само да го спроведат законот за заштита.
Законот за прогласување на Старaта скопска чаршија за културно наследство не дозволува никакви интервенции без дозвола од неколку институции.
Сите тврдат дека го спровеле законот, но ниту сторителот е познат ни активностите се запрени.
Во близина на црквата „Свети Спас“ урнат и приватен и државен објект, но никој не го знае сторителот бидејќи има над 20 сопственички дела на парцелата.
И покрај решението од Општина Чаир за запирање на градбата кај хотел „Арка“, таму за неполни два месеци се стаса од дупка до арматура.





Сите ги гледаат дивоградбите, никој ништо не им може

Само една обична прошетка низ чаршијата е доволна за да се забележат скелиња, тараби и заштитни мрежи на повеќе локации. Но, она што веќе подолго време буквално боде очи е секојдневното растење на објект со голем габарит во непосредна близина на хотелот „Арка“. Формално, ова не спаѓа во заштитениот дел на чаршијата туку е во таканаречената „контактна зона“, за која исто така има правила кога станува збор за градење.



Уште лани пред Нова година е забележано дека багери секојдневно копаат веднаш до улицата 113. Овој дел е под надлежност на Општина Чаир и за овој објект во деталниот урбанистички план донесен од општината има вцртано маркичка.

Но, од она што се забележува на терен е дека инвеститорот се „проширил“ на многу поголем простор од предвидениот со маркичката, па по проверка на катастарските парцели, се гледа дека дел од земјиштето на кое се гради овој објект е државно.







https://samoprasaj.mk/naacik/za-starata-skopska-carsija-nadlezni-se-samo-onie-koi-urivaat-i-gradat-na-divo

(ВИДЕО) Како напредна дивоградбата близу Старата скопска чаршија







Продолжуваме да го следиме развојот на настаните во врска со огромната дивоградба што почна да никнува кај Старата скопска чаршија. Градоначалникот на општина Чаир Висар Ганиу, во чија надлежност се случувањата на спорната парцела, гарантираше дека ќе ги запре сите нелегални активности, но на терен видливо е дека градењето напредувало. Ганиу вели дека сѐ се случило за краток период, а дури и да се изгради цел кат, на крајот тој ќе го руши

Како што веќе објавивме, според Деталниот урбанистички план, на ова место има маркичка за градба, но јамата што зјае е во многу поголем габарит од предвиденото. Според податоците од Катастарот, конкретната парцела е во сопственост на Исљам З. од скопското село Копаница. Првата пријава до Општина Чаир дека се гради на диво е уште во октомври, кога е донесено решение да запрат сите активности. Повторно инспектор излегува на терен по првото интервју на градоначалникот за „360 степени“.

https://360stepeni.mk/video-kako-napredna-divogradbata-blizu-starata-skopska-charshija/