Malmö, Малме, Шведска

Овој патепис е дел од тура што ја направив низ Гетеборг, Малме, Копенхаген, Орхус и Олборг. Ќе гледам да не ги трупам темите со слики за да нема се и сешто.

Малме е трет град по големина во Шведска со околу 320.000 жители, следејќи ги Стокхолм и Гетеборг. Еден од најрано индустријализираните градови во Скандинавија, којшто денеска се реформира во стартап инкубациски хаб за ИТ и многу биотехнолошки компании.

За разлика од Гетеборг, изобилува со многу повеќе модерна архитектура, но истовремено ми остави впечаток на побогато, поразвиено и посредено место. Во 2017 година дури 54% од популацијата имала најмалку еден родител роден во странство.