Жардињери

Булеварот со нови жардинерии

Главно Мени

Во овој период, на неколку локации во општина Гевгелија, во тек се инфраструктурни зафати поврзани со комуналната и патна инфраструктура.

Денес започна изградбата на жардинериите на булеварот Гевгелија, на самиот влез на градот.Самите жардинерии ќе бидат лоцирани на зелената површина помеѓу двете коловозни ленти.

Ќе се простираат во должина од 600 метри, со што ќе се видоизмени сегашниот влез во Гевгелија. Вредноста на изведбените работи е 2.050.000 денари а изведувач е фирмата Еуроинг од Гевгелија , која на тендерот имаше најповолна понуда.

http://gevgelija.gov.mk/mk/index.php?option=com_content&view=article&id=674:2011-07-27-13-00-29&catid=8:actual&Itemid=1

Идејава им е ок, само ако нешто прават, нека прават до крај. И понатаму овие жардињери, особено у Аеродром се користат за див премин на пешаците па неретко делови од нив остануваат без трева, само со кал. Нормално граѓаните се криви целосно, ама може и по некој џандар да седи и да почне да казнува. А да не зборам колку од армирано-бетонските елементи се или попукани или искршени уште кога се ставаа. Највпечатливи ми се на пешачкиот премин кај НБРМ и Веро. Импровизација до максимум. Според мене, многу поубави жардињери се оние на водњанска и на еден дел од партизанска, каде се користат бекатон коцки.

НОВА ЖАРДИНИЕРА НА БУЛЕВАРОТ ЈАНЕ САНДАНСКИ Екипи на Градот Скопје деновиве градат жардиниера во средишниот дел на булеварот Јане Сандански, на потегот од трговскиот центар „Бисер“ до крстосницата со булеварот Србија. Жардиниерата ќе биде долга еден километар, а ќе биде изградена од монтажни армирано-бетонски елементи. Изградбата на жардиниерата се очекува да заврши кон крајот на наредната недела. Потоа, жардиниерата ќе се полни со земја, ќе биде поставен систем за наводнување капка по капка и ќе се уреди зеленилото. На терен работат екипите на градежната фабрика „Карпош“. По завршувањето на жардиниерата на булеварот Јане Сандански, нивните работници ќе работат на жардиниерата на булеварот Видое Смилевски Бато. Градот Скопје ги потсетува возачите што ја користат оваа делница на булеварот Јане Сандански да се придржуваат кон привремениот сообраќаен режим и да ги почитуваат поставените сообраќајни знаци. http://www.skopje.gov.mk/ShowAnnouncements.aspx?ItemID=3723&mid=482&tabId=1&tabindex=0

Булеварот Маршал Тито во Виница ке се уредува со украсна жардињера со цвеќе, во должина од 300 м. Иведувач е Вин-Им Виница.




http://www.opstinavinica.gov.mk/vinica/

Калемени дрвца во жардиниерите Уредувањето на жардиниерите на градските булевари ќе продолжи напролет, но се' уште не се знае кои растенија ќе бидат засадени. Откако пред дваесетина дена во жардиниерите на булеварот „Јане Сандански“ беа засадени 130 елки, градските власти најавија дека зеленило ќе добијат и другите три новоизградени на „Партизанска“, на „8 Септември“ и на „Крсте Мисирков“. Сепак, во Градот се' уште размислуваат какво зеленило е најевтино да се засади, но и да се одржува. Извесно е дека во сите жардиниери ќе се засади трева, а покрај зимзелените дрвја ќе се садат и калемени листопадни. За цветните аранжмани ќе се одлучува дополнително. „Проектот за хортикултурно уредување на жардиниерите фазно се реализира. Досега е засеана трева во сите жардиниери, а во периодот на вегетација, напролет, ќе се продолжи со комплетно хортикултурно уредување“, велат од Градот. http://utrinski.com.mk/?ItemID=1A5F2D6B1C1EEE4EBCD4EC54EEB66C20

Барем од тој аспект, доколку нема џунгла конкретно во близина на пешачките премини, мене лично ми е океј ваквото зеленило.

ЗАСАДЕНИ 130 ЕЛКИ ВО ЖАРДИНИЕРАТА НА БУЛЕВАРОТ ЈАНЕ САНДАНСКИ Екипи на Градот Скопје деновиве засадија 130 сребрени и зелени елки во жардиниерата на булеварот Јане Сандански, на потегот од Новата железничка станица до „Мајчин дом“. Елките се засадени во права линија и формираат дрворед. Зеленилото во жардиниерата на булеварот Јане Сандански во наредниот период дополнително ќе се уреди со цветни насади. www.skopje.gov.mk

НА ПАРТИЗАНСКА И НА 8 СЕПТЕМВРИ Новите жардиниери при крај На булеварите 8 Септември и на Партизанска привршува изградбата на средишните бетонски жардиниери, на кои, за зеленилото, се поставува системот на полевање „капка по капка“. Надлежните информираат дека завршувањето на работите доцни затоа што сообраќајниците се многу фреквентни, па не можело навреме да се направи дотур на земјата со која жардиниерите треба да се наполнат. Освен на овие два булевари, бетонски жардиниери се изградени и на Јане Сандански и на Кузман Јосифовски - Питу. За ова Град Скопје издвои 100 милиони денари.

http://vreme.com.mk/DesktopDefault.aspx?tabindex=3&tabid=1&EditionID=1873&ArticleID=127205

Originally posted by lslcrew Незнам што се зафатиле за муабетов со жардињериве кога жардињерите не се ни еден процент од евентуален лрт проект. Тоа земјиште ќе се прекопа дупло него жардињерите ако треба од тамо да проаѓа. А инаку јас попрво тука би ставил коловозно лента, а трамвајот по крај.

се сложувам со ова, ќе има дури и пак простор за зеленило
во секој случај доколку има ЛРТ треба да биде одделен од коловозот, барем така е по најмодерни стандарди
плус ако некој мисли дека жардињериве спречуваат претрчување улица се лаже, има и те како претрчување, дури и им ја скратува маката на сите да кинат панталони на бившата ограда


Edited by zabegan - 09-Oct-2009 at 11:55

Проблемот е во некоординираноста, стихијноста, лутањето. Еве ајде и да имаме некакво разбирање за тоа што сеуште немаат оформено детален концепт. Но тогаш зошто прават работи кои можеби ќе бидат во колизија со концептот кога тој ќе се оформи? (а мора да се оформи што поскоро)
Еве Коце со право ќе го преиспитува концептот за Трамвај/ЛРТ на Трифун. Но зошто тогаш го продолжува трифуновиот проект за жардињери на местата каде што овие проекти потенцијално ќе се преклопат? Што ако концептот се ревидира меѓудругото и во полза на тоа трасите каде што може да бидат во средина? На крајот на краиштата така се планирани во урбанистичките планови. Сега имаме ситуација каде ни се најавува трамвај, а тој според плановите е зацртан каде што се градат жардињери и ти не гледаш проблем?

Воопшто не држи тоа со цената. Каква врска има колку споредбено ќе чини трамвајот? Зарем неколку стотици илјади евра за правење на жардињери и после нивно отстранување треба едноставно да ги фрлиме само затоа што во споредба со друг проект изгледаат малку?

Тоа со распоредот на шините и лентите, како што кажав нема да го коментирам бидејќи не е место. Но и да земеме како што викаш, кон средина да се прошири уште една лента, пак жардињерите одат во канта како сувишен трошок за изградба и отстранување.

Проблемот со жардињериве е што не ни сакаат да погледнат подалеку од носот, па ги прават стихијно, без да ги усогласат поврзаните работи, само колку да покажат дека нешто работат. Јас тоа би го нарекол „дневен урбанизам“, аналогно на дневна политика. Толку се доблесни и одговорни, толку знаат и умеат, па затоа добиваме вакви „капитални“ проекти.

Во суштина да, жардињериве се релативно ситна работа, ама сепак укажуваат на битни проблеми.