Пешачки зони и помали плоштади (општо)

Originally posted by kultuzin Во Германија има нешто што се вика проверка пред пуштање во употреба или кај нас познато како АТест или технички прием. Како што гледам во овој и во уште милион други случаи ова процедура не постои. Ваквите работи мора да се регулурат. Зошто во случај некој да се повреди на пример кој би бил виновен? Ова е еден мал пример за еден голем проблем кој час побрзо треба да биде решен.

Култузин, кај нас ретко што добива добар и доброиздржан технички прием. Нека не ми замерува Ѓоко ама поголем дел на станбените а и комерцијалните објекти до некаде не верувам дека би поминале во Германија на технички прием за противпожарна безбедност. Да не забораваме дека ради таков проблеми со години се одложува и преработува новиот аеродром во Берлин.

За прв пат во Скопје

Министерството за труд и социјална политика ги гради двете дактилни патеки за слепи лица од кои едната ќе биде на потегот од Домот на хуманитарните организации „Даре Џамбаз“ до плоштадот Македонија, а другата од Зоолошката градина, преку тениските терени, до фонтаната „Лотосов цвет“.



Од надлежното министерство не откриваат која е фирмата што ги изведува работите. Единствено што одговорија дека се работи за македонска компанија избрана на јавна набавка. Двете патеки, според Министерството, ќе бидат готови до крајот на неделава, зависно од временските услови.

Како што пишува Дневник дактилните патеки се изработени од рапава гумена површина и служат за олеснето движење на слепите лица, но и за подигнување на свесноста на целото општество за нивните потреби. Со овој проект, според надлежните, на слепите ќе им се овозможи полесно да ги завршат своите обврски, посоодветен пристап до јавните институции и поголема интеграција во општествениот живот.

Освен во Скопје, Министерството за труд и социјална политика годинава има план да гради вакви дактилни патеки за слепи лица во Битола и во Охрид.

http://www.skopjeinfo.mk/gradot/2144788728/za-prv-pat-vo-skopje-foto

Edited by jyvation - 19-Mar-2015 at 22:08

Првин треба на секоја раскрсница да се спуштат тротоарите со рампи за да можат лицата со инвалидски колички, родителите со детски колички, како и велосипедистите нормално да се симнат од тротоарот на улицата, а не мака да мачат при симнување. Не ми се верува што во 2015 година ние уште тоа не сме го решиле.

Денеска поминав карши собрание, веќе видов две од овие портокалови ленти откачени и фрлени на страна. Не е ни чудно бидејќи се толку провизорно наместени, со мало штрафче во подлогата. Брука, ова е исмевање на слепите лица.

единствено не ми е јасно зошто мора патекиве да бидат во таква дреч боја

ПЛОЧКИТЕ НА НИКОЛА ВАПЦАРОВ МОЗАИК

Секојдневно на улицата влегуваат и излегуваат градежни возила за реконструкција на фасадите. Новите плочки, со кои беше поплочена улицата при нејзиното реконструирање пред четири години, се распукани и искршени.

Плочникот на улицата Никола Вапцаров е уништен. Сите плочки се распукани и искршени, иако од реконструкција се поминати одвај четири години. Секојдневно на улицата влегуваат и излегуваат градежни возила за реконструкција на фасадите па плочникот на европската улица, како што ја нарекоа надлежните од Општина Центар при нејзината реконструкција, е претворен во мозаик.
Освен искршениот плочник, среде улицата поставена е импровизирана куќарка за потребите на градежните работници. И оној малку простор кој е оставен од градилиштата за фасадите на зградите е узурпиран од паркирани возила.
Од Општина Центар велат дека ќе бараат од инвеститорот да ги санира штетите на улицата.
"Инспекција на Општина Центар ќе излезе на терен да ја утврди фактичката состојба на улицата Никола Вапцаров.



Откако ќе се констатира оштетување на плочникот, ќе се задолжи инвеститорот локацијата да ја врати во првобитна положба, согласно правилникот за ископи кој го донесовме", велат од кабинетот на градоначалникот Андреј Жерновски.
Од Град Скопје, кој ги врши градежните работи за обнова на фасадите, велат дека реконструкцијата на фасадите на улицата Никола Вапцаров се реализира согласно сообраќајни решенија за пристап до градилиштето во сите фази од реализацијата на проектот. На крајот од реконструкцијата на фасадите ќе се изврши и корекција на оштетените делови од плочникот.
Улицата Никола Вапцаров беше реконструирана пред четири. Кога Општина Центар ја реновираше улицата, најави дека таа ќе стане најубава пешачка зона во центарот на градот, со европски лик. Поплочена е со природни гранитни коцки, а пешачките патеки со природен гранит. Покрај пешачките патеки засадени се јапонски цреши, има ново осветление, клупи и корпи за отпадоци. Тогаш надлежните најавија дека ќе биде дозволен пристап само за возила кои носат стока и за колите на станарите на околните згради за пристап до паркингот.

http://www.vest.mk/default.asp?ItemID=9805121C0E2D4547938CDC53E4D41299

Колку и да ја средуваат улицава тука живеат луѓе во овие згради.Има рампа само не се гледа баш на сликава и во средината има голем паркинг.Не гледам каде на друго место би ги паркирале коливе луѓево.

Во чаир, улица 192 кај бит пазар и албанскиот театар
Штета што инсталациите не ги средиле како и да е, симпатично изгледа. Ќе биде осветлен и ќе биде забрането преку ден за коли а навечер би било можно да е сервисна улица.
Се најави дека деталниот план на чаир е скоро готва и ПАЗАРОТ конечно би почнал да се гради!



Edited by my Macedonia - 12-Apr-2015 at 18:50

Ова е еден вид продолжение на малото плоштадче што пред неколку години се изгради тука. Гледам, и улицата е поплочена на ист начин како и плоштадчето. Претходно беше целосно закрчена улица, полна со ѓубре и со сешто. Ме радува ако се среди овој простор, иако сум скептичен околу одржувањето на чистотата, зашто пазарот е тука, а има и многу диви продавачи наоколу.

Da samo preku den