и натрупано да е ќе изгледа убаво ако се припази на сите детали, од плочници и тротоари, преку осветлување па се до фасади, и колку сето тоа ќе биде складно и воедначено и колоритно и концепциски но и формално, а знаејќи дека кај нас изостанува педантноста и упорноса за да се истераат работите до перфекционизам, особено што и општините и инвеститорите немаат ни големи сефои ни големи амбиции, се ќе излезе најверојатно на некоја добра импровизација која најверојатно ќе треба во недоглед да се штима!

мал ринг дефинитивно може да го бидне само доколку општината наметне строги протоколи на функционирање на сите нивоа, што сега и законот и го дава како опција со она обврската за фасадно пеглање, но имајќи предвид дека народ немет камен, а и државата во добар дел околу карпошово е инвеститор, мислам дека општина центар нема премногу да се препотува за да нешто дотера до степен на перфекција! сепак доколку е берикетна годинава, може до година за финесите  да се погрижи државата, но имајќи предвид како тоа се случи пример со редењето на "модерните" скулптури во центар или осветлувањето на камениот мост, мислам дека и ваквата интервенција нема да донесе некој особен резултат во овој правец!

но мал ринг и така ќе куртули, само државата нека ги стокми подземните коридори, а од рекорд да направи пешачка зона! друга битна работа ќе биде да успејат Црквата и Џамијата да ги кренат веднаш до камениот мост, мислам сеуште има време додека латис не ја кренал високо стара нбм, а посекако најбитен момент е мостот око и мостот на цвеќето да се избришат сега како што се постојно предвидени и да се стокми еден мост посреди нив... наизглед делува дека ова е готова работа и за ваквите рокади нема простор, но и порано сме имале многу пишман ситуации, па не ме чуди и до ова да дојде, јасно за доброто на скопје и скопјани!

Катни гаражи за блокада на Скопје

Новите објекти наменети за државна администрација, како и катните гаражи во кои се предвидува деловен простор, ќе го задушат центарот на градот, реагираше вчера опозицијата во Советот на Општина Центар при разгледувањето на последните измени на ДУП „Мал ринг“. „Со привлекувањето на приближно 5.000 возила, односно 100.000 луѓе повеќе во центарот на градот, ќе биде блокирана сообраќајната мрежа која не се надоградува соодветно со додавањето нови и нови објекти со Деталниот план“, смета советникот Јован Тагасовски од СДСМ.

Имено, со измените на планот се предвидуваат пет нови катни гаражи од кои во три ќе има и деловен простор. Тоа се катната гаража кај „Телеком“, која ќе биде на девет ката, од кои првите два се деловен простор. Ист е случајот и со гаражата кај поранешно „Беко“ и кај хотелот „Холидеј ин“. Единствено катните гаражи кај објектот на холокаустот и кај МЕПСО со висина од 21 метар, односно 29 метри се чисто катни гаражи. Според решението од планот, сите катни гаражи ќе бидат со застаклени фасади.

Со измените на ДУП-от, во Малиот ринг се внесуваат уште два објекта наменети за државна администрација кои ќе се градат на левиот брег на кејот на Вардар. Се работи за објектите за Јавното обвинителство и Финансиска полиција и за Министерство за надворешни работи. За нив во текстуалниот дел од планот се предлага да се изградат во барокен стил, романтизам, класицизам или неокласицизам. (С.Н.)                                                                                                                                          http://www.utrinski.com.mk/?ItemID=2763366089C3BE45B41523F4D776E491