Градски парк Скопје

Ова е Езерце така?
Е на вакво место требаше да се стави летниковецот.
Иначе Владимир имаш голем респект од мене за фотографиите, многу квалитетно и педантно сработено, секоја чест

Како е ова добро погодено за халуцинации

ПРОГРАМАТА НА УСВОЈУВАЊЕ ПРЕД ГРАДСКИТЕ СОВЕТНИЦИ

Фонтани, порти, храмови и 70 скулптури ќе го красат Градски парк

За две години со пари од градскиот буџет Градски парк треба ќе го добие Паркот на цивилизациите каде што странски амбасадори ќе може да донираат скулптури, како и сите придружни елементи како влезни порти и фонтани

Градски парк ќе се збогатува со нови содржини од детски инсталации, фонтани и влезни порти до веќе најавуваниот Парк на цивилизациите кој ќе содржи од 40 до 70 скулптури. Предлог-програмата на скопскиот градоначалник на усвојување пред советниците ќе се најде на седницата в понеделник кога и се очекува да добие зелено светло. Во програмата, поточно, се предвидува во наредните две години во Градскиот парк да се уредат површини за детска игра со композиции од едукативен и интерактивен карактер, утврдување на локации за поставување на единечни скулптури, фонтани во облик на скулптура, фонтани со динамичен ефект од водени млазови и светлост, чешми за повеќе лица, единечни чешми, влезни порти, храм-летниковец, реконструкција на тоалети со летниковец, уредување на патеките, Парк на цивилизациите, хортикултурно уредување со рондели, алпиниуми, цветни леи, како и поставување на водоводна, фекална, атмосферска и електрична мрежа. Поставувањето на новите содржини ќе биде во централниот дел на паркот, што го опфаќа делот од паркот во рамки на општина Центар ограничен со булевар Илинденска заедно со новата улица Наум Наумовски-Борче и границата со општина Карпош. Од Градот објаснуваат дека причината поради која се уредува Градскиот парк е поради значењето што го има за сите граѓани.
-Јавното градско зеленило особено Градскиот парк-централниот дел се од особено значење за сите жители на градот и неговото постојно унапредување и содржинско збогатување е со цел што повеќе од жителите своето време да го поминуваат во паркот. Неговото унапредување е важно од аспект на збогатување на зелените површини кои несомнено треба да заземат се поголем дел од урбаниот концепт на градот, стои во образложението на градоначалникот, Коце Трајановски.
Финансирањето на програмата ќе се изврши со средства кои ќе бидат обезбедени од буџетот на градот во текот на 2013 и 2014 година. Активностите кои се однесуваат на партерното уредување на паркот и поставувањето на скулптури и опрема ќе се реализираат преку изработка на архитектонско-урбанистички проект.

Инаку, Паркот на цивилизациите за кој прв пат се објавува колку скулптури се предвидени беше иницијатива на претседателот Ѓорѓе Иванов. Во него, според идејата на претседателот странските амбасадори ќе може да донираат скулптури на значајни личности од своите земји. Првично овој парк требаше да биде лоциран на Калето, но подоцна беше дислоциран во паркот поради археолошкиот локалитет. Во рамки на Градски парк, Паркот на цивилизациите е замислен да биде некаде зад ресторанот Уранија. Претходно беше најавено дека Иванов ќе инсистира странските држави да донираат скулптури исклучиво на личности од областа на културата и уметноста, а имаше информации дека ќе се издигнат и национални дејци.

http://www.vecer.com.mk/?ItemID=EA4CCD786860AF46A664B24D02995EBC

Koj поминал низ парк периодов да го види во каква состојба е ќе знае што зборувам. Пред некое време го средија и беше прекрасен. Јасно е дека треба константно одружување за да изгледа убаво но моменталната ситуација е страшна! Посебно делот кај споменикот на Гоце Делчев но и околу.

- Фонтаната личи како да е остаток од пост-апокалиптичен настан.
- Постаментот на Гоце Делчев е испошрктан и му фалат цели делови од мермерни плочки кои се искорнати или искршени.
- Страничнита ограда на делот кај скалите и рапмата е скршена.
- На плоштадчето пред споменикот има исцртано игралиште за кошарка.
- Околините тревници се преполни со чаши, салфети, хартии, скршени шишиња.
- Ѕидовите од "сеприњата" за седење се испошкртани со сиромашни цртежи и погрдни зборови.
- 8те чешмички се целосно испошркртани со спреј со имиња и натписи, постаметот е "избоен" со различни боја на спрееви и шкртаници.
- Изшкртана е и скулптурата на чешмичките.
- Дел од клупите се оштетени.
- Дел од корпите се тотално оштетени а некаде се искорнати и фалат сосема.
- Знаците за забрането пуштање и шетање на кучиња во првиот дел од паркот се изшрктани со спреј.
-И за впечатокот да биде уште попрекрасен, поради невниманието и воодушевувањето од таа прекрасна глетка "уцапав" во измет од куче во првиот дел од паркот.

Да оди некој со цел деструкција на паркот нема да може да направи ваква штета како што е моментално. Просто сум запрепастен од овдешнава култура и се прашувам дали некој ова го прави намерно или едноставно сме такви неандерталци. Страшно.

Се жалиме на нови закони, високи казни и диктатура, тоа е малце за нас. За тука да се воспостави нешто кое би личело приближно на некаква култура, ред и почитување треба јавен линч или затвор, за жал.

Edited by HugoGoulding - 31-Jan-2013 at 13:41

Originally posted by HugoGoulding ...

Ама важно:

Фонтани, порти, храмови и 70 скулптури ќе го красат Градски парк

Ботаничката градина ќе добие растенија од Малезија и Шри Ланка

Kако што велат од претпријатието „Паркови и зеленило“, првата пратка е веќе нарачана од Италија и од Холандија

Kон средината на март треба да започне засадувањето на автохтоните растенија во Ботаничката градина, што се простира во рамките на Зоолошката градина. Истовремено до секое од нив ќе има табла, на која ќе биде испишан латинскиот назив на растенијата, како и земјата од која потекнуваат, информираат од јавното претпријатие „Паркови и зеленило“, чии екипи се ангажирани за ботаничката градина.

- Првото количество на овие садници веќе е нарачано и нивното садење ќе започне кон средината на март. Некои од нив се од Италија, а некои од Холандија. Освен овие садници, екипи на „Паркови и зеленило“ ќе одат на македонските планини од каде исто така ќе донесат вакви ретки видови растенија. Садењето мора да биде систематско, а ќе се бара помош и од Шумарскиот факултет - велат од претпријатието.

Од Градот информираат дека ќе се изработи и проектна документација за стаклениците за автохтони растенија, по што ќе се пристапи кон реализација на овој дел од проектот и со тоа ќе биде комплетирана целата ботаничка градина.

- Овие стакленици ќе бидат потребни за да се засадуваат автохтони растенија од други краеви во светот, како што се Малезија, Шри Ланка итн. - објаснуваат од „Паркови и зеленило“.

Идејата за ботаничката градина, како што велат од таму, се црпи, пред с`, од Белград, каде што стручњаци од „Паркови и зеленило“ биле во специјална посета.

- Таму има импресивна градина стара 175 години, која се простира на околу седум хектари, а од чии влезници годишно се собираат приближно по 120.000 евра - информираат од претпријатието.

Од Градот, кој ја финансира изградбата, велат дека минатата година се завршени најголем дел од работите за уредување на просторот.

- На површина од два хектара, формирани се повеќе содржини: пешачките патеки, два видиковца, две од четирите перголи, како и бунарските системи за полевање. Исто така, поставено е и јавното осветление со нова подземна инсталација, како и оградата меѓу двете градини. Подигнати се четири моста што ќе ги поврзуваат ботаничката и Зоолошката градина - информираат од одделението за односи со јавноста во Градот.

Освен тоа, од таму додаваат дека просторот е облагороден со тревни насади и се прават подготовките за засадување на автохтоните растенија.

За опремување на градината градските власти предвидоа над 200.000 евра. Но, како што велат, по изработката на проектите, ќе биде точно прецизирана финансиската проекција.

http://dnevnik.com.mk/?ItemID=A5C3D4A19DC38942B8A4DB5BA9FD553B

Originally posted by vlatko.mk Знае ли некој што стана со идејата паркот да се продолжи ??? мислам дека на оваа локација требаше да се продолжи паркот ...

Јас сум силен подржувач на оваа идеја, но мислам дека на оваа локација се предвидени згради.

Според мене не само за градски партк туку сите паркови во Македонија треба да се прошируват зошто дефакто и дејуре имаме релативно мали паркови. Најлошо е тоа што кај луѓето се имат во главата врежано некој си стандарди за „големина„ на парк, па така и воглавном барањата и очекувањата им се многу скромни. Најдобар пример е Струмичкиот парк за кој моите сограѓани тврдат дека е многу голем па така не им пречеше кога од едната страна на паркот се изгрдија згради и така забетонира неговото понатамошто ширење во тој дел. А најлошо од се на никој тоа не му пречеше зошто нели по нашите критериуми парк кој можеш по должина и ширина да го прошетас за 30 минути е огромен па така не се ни осеќат две три згради во него. На исто мислење сум и за градскиот парк во Скопје кој иако е навистина доста голем , во иднина би требало да се остави простор за негово проширување , зошто парковите се ментален и здравствен филтер за секоја урбана средина.

pfc Грешка си аква паркот се гради сосема на другата страна пред базенот и картинг теренот, за тој простор уште не сум слушнал дека има некаков план.

Даци 200% не сум грашка секој ден поминувам од таму ќе сликам па ќе ставам. Иначе тоа на булевар што е заградено е приватно земјиште и мислам дека нешто згради или трговски објект по дуп, ама не сум сигурен