Пешачки зони и помали плоштади (општо)

Кочани е одлично, а овој дел од плоштадот во Скопје воопшто не е уреден со малку пари. Да не заборавиме дека ова задоволство на плочки и пар дрвја (бонус ограден неизграден дел) чинеше пола милион евра.

Јас само би прашал, кога работеа на тој простор немаше проблем дека е приватен? Исто кога на истиот тој простор беше поставен Винтерленд и самата Елка?

Originally posted by <Fresno> Дефинитивно. Инаку баш убаво се гледа на последната слика каква катастрофа ќе беше тој објект, а и каков непотребен чир е Лумикс.

никогаш не ја разбрав омразата спрема Лумикс, освен тоа што нема никаква функција, нема други маани
за свое време е доста добро просторно вклопен и не ја следи традицијата на транзициони торти

Originally posted by David Па по таа логика и за шпанските скали немаше да го сфатиш хејтот ? И тие ќе немаа никаква функција,и немаше да им биде место таму,исто ко што на Лумикс не му е место на плоштад. Се надевам ќе го отстранат тој буквален чир,што поскоро,нека се трампаат,обештетат,наместат тендери во надомест,не ми е гајле тоа нешто е страшно непотребно. Инаку за скаливе некако не би се радувал пред време,не верувам да тера ПР Петре со оглед на неговите секојдневни глупости нема ПР што ќе го оправи а и тоа што сите знаат дека ск2014 е завршен и како таков недограден ќе остане да чмае дури и да се смени власта,не дека ќе се градат шпански скали ама ако е во приватна сопственост и го оставиле само тој дел непополочен....

Straight from the VMRO handbook.

Сакаш да ти ги покажам сите твои постови уназад или свесен си што точно постираш? Партиски мегафони како тебе сме имале безброј во овие 12 години на форумот. Тука сме за дискусија, не за лепење плакати.

Originally posted by Џоле А можат барем трева да посадат, тоа не чини многу, а визуелно ќе смени доста,

Насадена е трева на делот што остана недовршен пред Лумикс.

Зазелене просторот пред ГТЦ и Лумикс







Просторот пред влезот во Градскиот трговски центар и пред трговскиот центар „Лумикс“ денеска осамна со трева.

Овој простор кој претставува приватна парцела беше раскопан, го нагрдуваше плошадот „Македонија“ и е заграден со ограда, но веќе од денеска личи на убав зелен тепих.
Ова државно земјиште за време на владеењето на ВМРО-ДПМНЕ беше продадено на албанската фирма „Амадеус груп“, која тука требаше да ги гради т.н. „Шпански скали“
Инаку, слободен е просторот за движење пред ГТЦ и Портата откако пред осум месеци започна реконструкцијата и менувањето на изгледот на овој цел на центарот на градот. Засадени се дрвја, поставени клупи и корпи за отпадоци, а кај Портата поставени се хидраулични столпчиња, за да се спречи влез на автомобили на Плоштадот Македонија.

https://www.vecer.press/зазелене-просторот-пред-гтц-и-лумикс/

Originally posted by ironm Ова не е посадена трева, туку се донесени парчиња трева со се земјата (grass turfs) како што прават во богати домови или при репарација на фудбалски стадиони. Ах бе што ти се вика богата држава еј, немаме време да чекаме трева да порасни кога парите не се проблем.

Не е до толку скапо де Можеле некоја грмушка или цвеќе да посадат.

Originally posted by <Fresno> Originally posted by zabegan никогаш не ја разбрав омразата спрема Лумикс, освен тоа што нема никаква функција, нема други маани за свое време е доста добро просторно вклопен и не ја следи традицијата на транзициони торти Не се сложувам дека е вклопен. Тоа се гледа на последната слика, како и во ДУП-от. Коридиорот пред ГТЦ е стеснет, во спротивно ќе требало тој објект да е триаголник. Но воопшто не треба никаков објект на тој простор, прво затоа што подобро би било да има некаков парк (со заокружување на плоштадот со Мериот и Официрски, плоштадот нема пристап до зелена површина), а второ го сокрива ЕВН непотребно. Функционалниот аспект може и ќе се реши, но мене ни естетски ми нема вредност, можеби поради материјалите кои денес веќе изгледаат некако транзициски.

се согласувам дека имало далеку подобри опции од тоа што го имаме денес, ама дека е вклопен, вклопен е, ја следи и линијата на ЕВН, која за жал поради тоа што ЕВН не е паралелно со ГТЦ, формира нефункционален триаголник меѓу скалите и ГТЦ и вака и така
реалната линија на коридорот се скалите од ГТЦ, аголот на фоткава е тако да личи така

туку назад на тема, не ми е јасно зошто „приватниов“ простор мора да е заграден или не смее да биеде поплочен а може да биде покриен со turf (не ми текнува зборот)? не е од сега приватен, приватен е сигурно со години веќе, па си се шеткавме номрално по тој дел... као демек треба да не потсеќа на криминалите на претходната власт? ...бог да чува

Originally posted by <Fresno> Не се сложувам дека е вклопен. Тоа се гледа на последната слика, како и во ДУП-от. Коридиорот пред ГТЦ е стеснет, во спротивно ќе требало тој објект да е триаголник. Но воопшто не треба никаков објект на тој простор, прво затоа што подобро би било да има некаков парк (со заокружување на плоштадот со Мериот и Официрски, плоштадот нема пристап до зелена површина), а второ го сокрива ЕВН непотребно. Функционалниот аспект може и ќе се реши, но мене ни естетски ми нема вредност, можеби поради материјалите кои денес веќе изгледаат некако транзициски.

ТЕТОВО Е ЕДИНСТВЕН ГРАД БЕЗ ПЕШАЧКА ЗОНА







Тетово некогаш важеше за еден од најзелените градови во државата, а денеска е единствен без пешачка зона. Речиси на секоја поголема или помала улица имаше големи дрва, неколку помали паркови, а на повеќе места низ градот тревнати зелени површини. Но, во изминативе две- три децении, од зелена оаза Тетово прерасна во бетоски бункер. Се градеше на секој можен агол од градот, а градбите, како по правило, ја бетонираа зелената површина на градот.

За грешките кои беа направени во урбанизмот на Тетово долго време никој не сакаше да зборува, сè додека не дојдоа помладите генерации архитекти кои почнаа јасно и гласно да кажуваат каде се грешело во урбанистичкото, односно неурбанистичкото градење на Тетово. Еден од тие млади архитекти е и Бошко Видоески, кој вели дека урбанистичкото планирање во Тетово е е блиску до точката од која нема назад.

На Тетово веќе неколку децении му недостасува сериозен, школски пристап во планирањето, ништо повеќе. Градот е жив организам и како таков треба да го третираме. Затоа, првин го анализираме во историска смисла, па го снимаме постоечкото, ги дијагностицираме состојбите, вршиме оценка на потребите и можностите за просторен развој, па дури потоа програмираме содржини и мерки за иден развој. Проблемот е што во Тетово не се планира на таков начин, не се планира школски, туку се глуми дека воопшто се планира но, веројатно немањето политичка волја за правилно планирање си го прави своето. Позадината на тоа е секогаш финансиска. Тетово нема донесено Генерален урбанистички план уште од 2002 година, па се добива впечаток дека градот е оставен сам на себе, оставен е да се развива како што се развивал сè до Втората светска војна. Токму затоа, не можеме да зборуваме за градско живеење ако на Тетово му недостасуваат градски рекреативни зони, спортски терени, игралишта, градски патеки за рекреативно трчање, паркови со реквизити за деца, паркови за миленици. Освен тоа, Тетово е можеби и единствен град во светот во кој не постои пешачка зона или барем една пешачка улица, корзо“, вели Видоески.

Според Видоески, донесувањето на Законот за денационализација и Законот за легализација на дивоградбите, односно нивната злоупотреба, дополнително придонела за деградација на поедини градски опфати кои во времето на социјализмот биле пристојно планирани.

Со првиот Закон се овозможи одредени градски парцели или делови од истите да бидат вратени на потомците или на поранешните сопственици. Па така во Тетово имаме случај кога е вратено сопственичко право врз парче од сегашна сервисна сообраќајница внатре во некој блок или сегашен дел од паркинг или спортски терен. Ова е навистина недопустливо. На сето ова се надоврзува Законот за легализација на дивоградбите, па се градат згради со повеќе катови, најчесто со недоволно исполнети проектантски услови и принципи, истите се легализират и добиваме зграда која зафаќа дел од поранешниот паркинг, од поранешниот парк или пристапна улица. Сето тоа создава дополнително оптоварување на инфраструктурата. Така се нарушени и многу градски сегменти во Тетово, со кои одредени индивидуи законски стекнале профит од оваа спрега на закони за сметка на деградација на Планот“, посочува Видоески.

Според него, ваквото „планирање“ на урабанизмот во градот како последица создава сообраќаен метеж, недоволно места за паркирање на возилата, улици закочени од сообраќај, а што исто така е многу важно е што Тетово станува град со многу загаден воздух, што е директна последица на начинот на урбанизирање.

„Немањето парковско зеленило за сметка на поголем градежен фонд значи поголема просечна температура на воздухот. Високото зеленило, односно старите дрвја, освен познатата улога на производител на кислород, се и задржувачи и апсорбери на прашина, и без нив дишеме повеќе прав. Бекатонизирањето и поплочувањето на дворовите по своја волја, подразбира намалување на природните почвени апсорпциони површини и дополнително оптоварување на и онака слабиот капацитет на атмосферската канализација. Лошата сообраќајна мрежа овозможува повеќе возила да стојат во место поради метежот, а со тоа да испуштаат повеќе издувни гасови. Тука е и неводењето сметка на правецот на карактеристичните ветрови во Тетово поради многу градби го блокираа нивниот проток, и се нарушува ареацијата на околината и сето тоа влијае Тетово да има многу, многу загаден воздух“, вели Видоески.

Видоевски и конкретно наведува повеќе примери на архитектонски промашувања кои ги има во Тетово.

Во поново време, дефинитивно најголемо промашување е локацијата за објектот на новиот театар и библиотека. Со него се узурпираше скапоцена отворена јавна површина која првично и била замислена да остане таква – неизградена. Потоа, тука е Градскиот трговски центар, чија изградба со ништо не придонела кон унапредување на строгиот центар на градот. Локацијата на Градскиот пазар низ годините се покажа како несреќна во најмала рака, иако првично не се чинела за таква. Во станбената архитектура, видливо е деградиран опфатот кој гравитира околу улицата Димо Гавроски-Кара на потегот од булеварот Маршал Тито кон улицата Борис Кидрич. Забележувам и одредени плански деградации на потезите долж булеварот Благоја Тоска, улиците 29 Ноември, Борис Кидрич, од булеварот Илинденска, ЈНА… Би го споменал и објектот пред Музичкото училиште, кој откина огромен дел од парк и со тоа го деградираше, а истиот се наоѓа во алармантно густо изградена зона. Сето ова, од урбанистичка гледна точка го дефинира Тетово како хаотичен конгломерат на недоречености“, вели Видоески.

Според него, решенијата за излез од урбанистичкиот хаос во Тетово се можни но можат да бидат и не така популарни.

„Потребна е најпрво политичка волја. Од неа се тргнува. Добредојдена би била и извесна корекција во законската регулатива преку која би се вратил угледот, но и ингеренциите на професијата планер. А се плашам дека за нечија жал, на Тетово ќе му биде потребно и рушење на неколку објекти. Без ослободување на простори и нивно отстапување во служба на граѓаните во форма на отворени јавни површини наменети за општа употреба, не може многу да се направи за градот“, вели архитектот Видоески.


https://sdk.mk/index.php/sakam-zeleno/tetovo-e-edinstven-grad-bez-peshachka-zona/