Пешачки зони и помали плоштади (општо)

kurir.mk

Општина Охрид сама ќе изработи идејно решение за Кејот „Македонија“

Локалната самоуправа од Охрид самата ќе го определи идниот изглед на Кејот „Македонија“, кој се протега во центарот на градот долж езерото. Неодамнешниот архитектонски Конкурс за избор на идејни решенија заврши неуспешно, a од општина Охрид образложуваат дека доставените авторски трудови од жири – комисијата се отфрлени како мегаломански. Градоначалникот Никола Бакрачески вели дека при изработката на идејното решение за Кејот „Македонија“ ќе се внимава за да не се наруши природниот еко – систем на Охридското езеро.



Од охридската локална самоуправа напоменуваат дека тие во моментов го изработуваат идејниот и основниот проект и по неговото завршување ќе се знае крајната цена на зафатот и кога ќе почне неговата реализација. Општина Охрид го објави Конкурсот за партерно и хортикултурно уредување на Кејот „Македонија“ кон крајот на октомври минатата година.

http://www.build.mk/?p=44785

Edited by jyvation - 10-Jun-2015 at 08:33

Четирите плоштади ќе бидат готови до есен

Во текот на изминатиот месец градот почна со финалното партерно уредување на плоштадот пред црквата „Пресвета Богородица“



ИНТЕНЗИВНО СЕ РАБОТИ ВО ЦЕНТАРОТ НА ГРАДОТ
За околу два месеца пред храмот „Пресвета Богородица“ скопјани ќе добијат уште еден уникатен урбан плоштад, каде што ќе можат да се рекреираат и да одмораат. Некогашното место, кое само асоцираше на руина, ќе стане плоштадна површина од околу 5.500 квадратни метри. Последниве месеци интензивно се работи на улицата пред црквата, која досега беше синоним за хаос и страв во ноќните часови.

СЀ ШТО Е ПОЧНАТО МОРА ДА СЕ ЗАВРШИ

Во текот на изминатиот месец градот почна со финално партерно уредување на плоштадот пред црквата „Пресвета Богородица“. Уште пред да почнат со работите беа отстранети некои од дотраените коцки на патот, кои ќе бидат заменети со нови.

- Со овој проект е предвидено да се уреди партерот пред црквата. Ќе се докомплетира урбаната опрема, како што се клупи за седење, канти за отпадоци, чешмички за вода, зеленилото и ќе се постават нова инсталација и осветлување - информираат од градот.

Проектот, во согласност со спроведената постапка за избор на изведувач, ќе го реализира фирмата „Урбанинвест“ и треба да заврши во рок од 60 календарски дена од денот на воведување на изведувачот во работите.

- Вкупната вредност на изведените работи изнесува 29 милиони денари плус данок на додадена вредност. Со реализацијата на овој проект ќе се добие нов плоштад, со површина од околу 5.500 квадратни метри - велат градските власти.

Додека едни со возбуда го очекуваат отворањето на новата урбана површина, други револтирано велат дека градежните работи што се одвиваат низ метрополата претставуваат само пречка за граѓаните што секојдневно брзаат да ги извршуваат своите активности.

Затворената улица кај црквата „Богородица“, според минувачите, го отежнува движењето на пешаците, но сепак велат дека добро е што конечно тој дел од градот ќе се уреди.

- И покрај тоа што целиот тој потег е раскопан, ние не се откажуваме, па минуваме низ правливата улица. Сепак кога веќе нешто е почнато, мора и да се заврши, па ќе бидеме трпеливи. Единствено позитивно е тоа што местото навистина ќе биде убаво уредено и ќе личи на едно посебно катче во центарот на градот - вели Данче Т., редовна посетителка на црквата.

СЕ РАБОТИ УШТЕ НА ТРИ ПЛОШТАДИ

Градежните работи што неколку месеци се одвиваат на плоштадот „Македонија“ сѐ уште се во тек. Изградбата на таканаречената „сува фонтана“, позната како „џампинг џет“, се реализира, а во моментов се работи на формирањето на партерната површина.

- Се работи и на фонтаната, која ќе биде со правоаголна форма, со димензии 20 на десет метри и ќе претставува вкопано армирано-бетонско корито. Површината врз армирано-бетонското корито ќе биде изработена од светлосиви гранитни плочи, со димензии 60 на 60 сантиметри и со дебелина од 10 сантиметри - информираат од градот.

Што се однесува до партерот, неговата реконструкција ќе се одвива етапно за да се овозможи непречено движење на пешаците во текот на градежните работи.

- Фиксно оградено градилиште ќе се формира околу просторот за новата површинска фонтана, а другите делови ќе се обновуваат во фази. Покрај овие работи, ќе се работи и на инсталациите и осветлувањето на фонтаната и уредувањето на машинската хала за фонтаната - велат градските власти.

Овој проект чини околу 150 милиони денари, а градежните работи ќе завршат до крајот на летото.
Работите на плоштадот „ВМРО“ се реализираат во согласност со предвидената динамика. Во моментов паралелно се работи на уредувањето на партерот, изградбата на коритото за фонтаната, а ќе се почне и со уредувањето на сервисната сообраќајница, која ќе го поврзува плоштадот со главната улица.

- Улицата ќе има двоен карактер, како пешачки пристап, но ќе може да се пристапува и со моторни возила. Улицата ќе има површина од 1.300 квадратни метри и ќе оди од влезот кај „Палома Бјанка“ до плоштадот - велат од градот.

Градежните активности на плоштадот „Филип Втори“ исто така се во тек. Со проектот ќе се доуредува просторот околу црквата и Музејот на холокаустот на оваа локација.

- Со партерното уредување, целта е да се создаде осмислен отворен простор, оформен како локален плоштад, кој во себе ќе прими различни содржини и ќе стане дел од животите на луѓето што гравитираат во тој дел на градот - информираат градските власти.

Овој простор ќе има три дела. На околу 5.000 квадратни метри ќе се оформат партерни површини со пешачки патеки, ќе се направи зелена површина со ниски и високи садници и ќе има површина со клупи и канти за отпадоци. Целиот простор ќе биде осветлен со јавно осветлување, кое ќе се совпаѓа со осветлувањето на плоштадот „Филип Втори“.

- За овој градежен зафат, цената за изведба на дооформувањето на јавниот простор кај црквата „Св. Димитрија“ изнесува околу 16 милиони денари без данок на додадена вредност - додаваат оттаму.

http://novamakedonija.com.mk/NewsDetal.asp?vest=61215100163&id=14&prilog=0&setIzdanie=23490

ЗАПОЧНА ИЗГРАДБАТА НА ПЕШАЧКА ПАТЕКА ОД ВРУТОК ДО ГОСТИВАР



Во близина на болницата во Гостивар започна изградба на модерна пешачка патека која ќе ги направи изворите на Вардар подостапни за туристите.

Според предвиденото, новата патека ќе минува по течението на Вардар, од изворот па сe до градскиот парк со должина од близу десет километри.

Гостиварскиот градоначалник Невзат Бејта, денеска на свеченоста нагласи дека овој проект покрај туристичката компонента ќе им користи и на граѓаните кои се грижат за сопственото здравје.

- Овој проект во значителна мера ќе им помогне на граѓаните да поминуваат повеќе време во природа и да го подбруваат здравјето. Та се работи според високи европски стандарди и ќе биде многу значаен инфрструктурен проект, рече Невзат Бејта градоначалник на општина Гостивар.

Новиот инфраструктурен зафат е дел од првиот проект од ИПА фондовите за прекугранична соработка Македонија - Косово кој започна лани. Неговата вредност изнесува 276 илјади евра. Како партнер на општина Гостивар е косовската општина Драгаш.

Патеката ќе биде комплетно поплочена, со осветлување, одморалишта, видиковец, информативни табли кои ќе им бидат од корист на рекреативците и туристите.

http://www.utrinski.mk/?ItemID=2756A868FC8CC24F8E6DFCD691470584

Кејот во струга при крај

И во Охрид се следи стилот на „Скопје 2014“?

Декорирани канделабри во златна боја никнаа на новото шеталиште на брегот на Охридското езеро. Идентичното осветлување што се поставува на скопските плоштади изградени преку владиниот проект „Скопје 2014“ започна да се поставува и низ Охрид. Локалната самоуправа деновиве ја привршува изведбата на новата пешачка и велосипедска патека, на потегот од каналот Студенчишта до месноста „Свети Стефан“. Должината на новото шеталиште во моментов изнесува 210 метри, но општина Охрид во наредниот период планира истото да го продолжи кон некогашниот хотел „Парк“.



Новата охридска променада започна да се гради пред четири месеци. Градежните работи ги изведуваат фирмите „Еуро стил“ од Охрид и „Инсталација“ од кичевското село Длапкин дол. Општината за овој проект одвои 6.781.307 денари, односно околу 110 илјади евра. Покрај пешаците, идното шеталиште ќе можат да го користат велосипедисти и ролерџии. Деновиве ЈП „Нискоградба“ завршува со бојадисување на асфалтот што е предвиден за велосипедската патека, додека ЈП „Проаква“ ги монтира предвидените фонтани.

Со изведбата на шеталиштето се навлегува во територијата на Студенчишкото блато, кое со патеката физички се одвојува од самото езеро. Екологистите и невладините организации од земјава веќе неколку пати предупредија за опасноста од уништување на блатото со градежните проекти, што е предвидено допрва да се реализираат на овој терен. Имено, на просторот на Студенчишкото блато е зацртано да се гради марина, но и луксузна населба. За да се спречи ваквата изградба, еколошките организации во моментов собираат потписи на петицијата за спас на Охридското езеро.

http://www.build.mk/?p=45192

Ќе се менуваат плочките на патеките во Општина Аеродром

Општина Аеродром деновиве врши менување на плочките на патеките меѓу зградите на целата територија на општината, кои што им задаваа проблеми на граѓаните поради вдлабнатини и насобрана вода од дождовите.
-Исто така, на сите критични места како што се влезови во пешачка зона, пристап кон пешачки патеки, тротоари или јавно зеленило, ќе се постават заштитни столпчиња. На тој начин ќе се заштитат овие драгоцени зони за пешаците од непрописно паркирање на возила, а воедно и апелираме на поголема совесност од граѓаните во однос на ова прашање, се вели во соопштението на Општина Аеродром.

http://www.skopjeinfo.mk/opstini/52627289/ke-se-menuvaat-plockite-na-patekite-vo-opstina-aerodrom

Opstina Cair